كود – وكالات//

خرجات منظمة الصحة العالمية بتصريحات كتخلع حول السلالة الهندية من فيروس كورونا المستجد.

واعتبرت كبيرة العلماء فالمنظمة، سوميا سواميناثان، ان هذ السلالة هي من العوامل الرئيسية اللي خلات الفيروس ينتشر بسرعة فالهند، حيت هي الأكثر عدوى وفتك، كيف قادرة على مقاومة اللقاح.

وزادت سواميناثان، وهي طبيبة أطفال وباحثة هندية، فمقابلة دارتها مع وكالة فرانس برس فجني، أن منظمة الصحة العالمية كتصنف هذ النسخة المتحورة “ب1 – 617” ضمن قائمة المتحورات الأكثر خطورة من النسخة الأصلية للفيروس، حيت قدرتها على الانتشار كبيرة، ومعدل الوفيات فصفوف اللي كيتقاسو بيها أعلى من اللي تقاسو بالنسخة الأصلية.

وتابعات أنه كاينين سلالات كيزيدو من انتقال العدوى، وممكن يقاومو الأجسام المضادة اللي كيكونها الحسم فاش كياخد التلقيح أو كيتقاس بالفيروس بشكل طبيعي وكيبرى.

وغير السبت، ولاول مرةد سجلات الهند حصيلة قياسية، بحيث ماتو 4 آلاف وتقاسو 400 ألف.