عمـر المزيـن – مكتب الرباط//

قال مصدر مقرب من وزير الثقافة والاتصال، محمد الأعرج، أن اللقاء اللي كان دارو الوزير مع محمد عبد النباوي رئيس النيابة العامة، بحضور رئيس المجلس الوطني للصحافة، كان الهدف منو هو التنزيل السليم لمقتضيات أحكام قانون الصحافة والنشر.

وأوضح المصدر لـ”كود”، قائلاً: “دبال الكرة في ملعب القضاء اللي خاصو يدير خدمتو واللي ماشي صحفي مهني =لا يتوفر على البطاقة ديال الدولة= خاصو يقدم للنيابات العامة المختصة بتهمة “انتحال صحفة صحفي دون استفياء الشروط اللازمة لحمل هاد الصفة” اللي كيعاقب عليها القانون.

ودعا المصدر نفسه، المقرب من الوزير الأعرج، مختلف المؤسسات العمومية كيفما كانت ترد بالها بزايد من التعامل مع منتحلي صفة صحفي حقاش هاد المهنة راه كينظمها القانون، مضيفا بالقول: “هاد المؤسسات اللي كتعامل مع هاد الفئة ديال الصحفيين المزيفين يتحملو المسؤولية ديالهوم فهاد الوقت مع هاد الناس حقاش الدولة مغاديش تسمح يبقا الوضع كيف كان وغادية كتنظم القطاع بشكل قانوني”.

كما حذر المصدر هاد المؤسسات من مواصلة التعامل مع هاد الناس حقاش لا يمثلون مهنة الصحافة. وأشار إلى أن الوزارة دارت جلسة حوار مع رئيس النيابة العامة باش يتم التنزيل السليم للقانون والمواقع اللي ماشي قانونية راه تقرر الحجب ديالها بشكل نهائي والوازرة بدات ف الإجراءات اللي كانت اعلنت عليها شحال هادي، والهدف من هادشي هو تكريس صحافة مهنية وحرة ومسؤولة وذات مصداقية.