نجوى المالحي-كود//
البطل العالمي المغربي في رياضة الكيك بوكسينكْ بدر هاري عندو مباراة الثأر هاد الشهر من الملاكم الهولندي ريكو فيرهوفن وكيوجد ليها وعلى داكشي بعد على الانستكَرام، ولكن واخا هكاك ماكيزكَل حتى بوسط ديال مراتو دافني روماني، وقبل مايبعد خلا بوسط كيشكر فيه عائلتو الصغيرة وكياكد فيه انهم هما مصدر التحفيز ديالو، واصعب حاجة هي يبعد عليهم فاش كيكون كيوجد لشي كومبا.
وهاد اليوماين دافني وبناتهم في المغرب، وحطات صورتهم في جردة وكتبات “مكيناش المدرسة”، هاري تفاعل معاهم وكتب في تعليقو “المحفز ديالي”.
ومرات هاري الهولندية فخورة به وحطات البارح صور من المواجهة المقبلة لي تم عرضها في مركز تجاري كبير في المغرب.