كود الرباط //

علمت “كود” ان اللقاء الجماهيري لي احتضناتو أكبر ساحات مدينة طانطان، طاح بما يقارب 700 مليون، السالك بولون عضو اللجنة المركزية ورئيس المجلس الإقليمي بطانطان، ومعاه ابراهيم الوعبان حرقو لفلوس وحرقوا الأخضر واليابس باش اللقاء ينجح على أعلى مستوى.

بولون السالك المنسق ديال الميزان فطانطان، بغى يرجع الحزب للواجهة بعدما فقد بلاصتو لفائدة أحزاب أخرى فالمدينة، هاد العوامل وأخرى خلات السالك بولون يدير لقاء جماهيري باش ماكان، ويخلص على الشركات والخيام العملاقة وتريتورات والماكلة والأمن الخاص، كولشي من كازا باش تبان الأمور ناضية، وباش نزار واصحابو يتخلعوا من ناس الصحرا، واخا كانت المضاربة على الكاسكروطات والتنظيم زيرو.

اللقاء الجماهيري لي كان فطانطان، جا مباشرة بعد منتدى التفكير لي نظموا حزب الإستقلال فالرباط، واشرف عليه الأمين العام نزار بركة، ولي حضرات لو غير شي عشرة ولا عشرين واحد.