كود كازا//
طاطا لطيفة رأفت معجبهاش الحال ينشرو عليها إشاعة المرض. البارح حطات فيديو في كامل أناقتها، وقالت أنها صحيحة فصيحة ومضارها والو.
لطيفة لي كملات 53 عام هادي قل من 15 اليوم، قالت أن المروجين لهاد الخبار الخايبة، معاجبهومش النجاح ديالها.
ألالة، شكون هاد صكع ليام لي بقا گالس سنين ومنين، حتال دابا عاد ناض باغي يضر صورتك. ولايني بسالة كبيرة هادي.
لطيفة رأفت بانت بوگوصة، وقالت فالفيديو فين هو المرض فين…
الصراحة حنا مشفناهش. شفنا غير الزين وصافي.
كولشي كيكير ويشرف فهاد البلاد إلا طاطا لطيفة هاهي كترد على صحاب الاشاعات
Publiée par GOUD sur Lundi 3 décembre 2018