كود احمد الطيب ////
ادريس لشكر الكاتب الاول لحزب الاتحاد الاشتراكي كيوجد الاتحاديين لشي صدمة. وفق عضو برلماني لـ”كود” فان لشكر قال ليهم فاجتماع الجمعة المقبلة باللي الحزب اللي عندو 3 مقاعد يقدر يبقى عندو حقيبة وزارية وحدة او جوج.
حسب ما سرب من هاداك اللقاء فان العدالة والتنمية هو اللي غادي تجي فيه الضربة فهاد التعديل. يقدر يمشي منو 5 الحقائب الوزرا بالاضافة الى كتاب الدولة الثلاثة يمكن يكون الداودي والخلفي ويتيم او الحقاوي.
الملك كان تلاقى البارح مع رئيس الحكومة وفكرو ب”تفعيل التوجيهات الملكية الواردة في خطاب العرش لسنة 2019.
اللي فيها طلب منو “اقتراحات بخصوص تجديد وإغناء مناصب المسؤولية، سواء على مستوى الحكومة أو الإدارة”.