الأميرة ديال بريطانيا حزينة بزاف.. صاحبها السابق لقاوه ميت فأوطيل فميريكان
كريم الشركي – كود///
من الاثار الجانبية لي دارها كورونا فالاقتصاد الاسباني، أنه خلا المزارع ديال الفواكه والخضر واقفة فالوقت اللي الثمار وصل اوان قطافها وخاصها اما تقطف او تضيع.
طبعا المزارعين كانوا كيعتامدوا بشكل كبير على اليد العاملة لي ماعندهاش لوراق لانهم كيستاغلوها وكيعطيوها صالير قليل بزاف ومكتقدرش تهضر على حقوقها، بالاضافة للعاملات الموسميات اللي من المغرب.
لكن اغلاق الحدود المغربية، خلا الصبليون فأزمة يد عاملة هادشي لي خلاهوم يعلنو انهم غايديرو لوراق لديك القاصرين غير المرافقين لي وصلو لسن الرشد وعمرهم ما بين 18 و 21 سنة، ولكن بشرط، أنهم يخدمو فالمزارع، وطبعا هاد الخدمة صعيبة بزاف وتا واحد ماكيبغي يخدمها، لذلك الدولة كادير الشونطاج باش تلقى حل.
هادشي كان جزء من المشكل، ودابا خرج مشكل للصبليون، اللي هي حملة طلقوها المهاجرين السريين، تحت اسم “خليها تخماج”، وتقوم على عدم قطف الثمار حتى يديرو للعمال وسائل الوقاية ويزيدو لهم فالصالير لي طايح ولا يوازي الجهد المبذول فالعمل.