كريم الصوفي – كود//
فضيحة جديدة لشركة الخطوط الجوية الجزائرية. السبت الفايت، جا تقريبا 400 مسافر لمطار الجزائر الدولي معاهم التذاكر ديالهم باش يمشيو للخارج، لكن المفاجأة كانت كبيرة عليهم وصادمة. قالو ليهم التذاكر اللي عندكم بكل بساطة ديال رحلات ما كايناش ف السيستم.
ناضت قيامة كبيرة وسط المطار وقلبوها صباط ومطايفات، الضحايا دفعو فلوس صحيحة باش يحصلو على تذاكرهم من البوابة الإلكترونية الرسمية لشركة الخطوط الجوية الجزائرية، وفي الأخير تم الاحتيال عليهم. وحسب التقارير ذاتها، التذاكر اللي تم شراؤها من طرف الضحايا، ثم إلغاءها من قبل الخطوط الجوية الجزائرية تتعلق برحلات AH1214 و AH1002 و AH1004 و AH1006 و AH1024، وهاذ الرحلات كلها كتربط الجزائر العاصمة بمطارات باريس ومارسيليا بحال أورلي ورواسي شارل ديغول ومرسيليا.
https://www.algeriepartplus.com/scandaleux-air-algerie-a-vendu-des-billets-pour-des-vols-fictifs
