جنايات فاس فرقات 30 عام ديال السجن فجلسة وحدا على متهمين بـ”السرقات الموصوفة”
وكالات //
واحد 2 شركات ديال العقار فالشينوا دارو عروض للكليان بللي ممكن يخلصو دفعة تسبيق على ديورهم الجديدة ب”الماكلة” عوض الفلوس.
هاد 2 شركات روجو لعروض باش يجرو الكليان، وقالو بللي ممكن ياخذو منهم بلاصة الفلوس، تسبيق بالمنتوجات الفلاحية، منها خصوصا الخوخ والدلاح والثومة.
وبحسب “بي بي سي”طاح البيع فقطاع العقار فالشينوا لمدة 11 شهر متابعة، فالوقت اللي منعش عقاري كبير تعطل على خلاص الكريديات اللي عليه هاد السيمانة.
وفالسيمانة اللي قبل، قالت شركة عقارية فمدينة ووشي الشرقية بللي غتقبل استعمال الخوخ لتعويض حوالي 188888 يوان صيني (28218 دولار) من الدفعات المقدمة هلى الديور.
وقال منعش عقاري آخر فمنطقة نانجينكَ القريبة من ووشي بللي موافق على 5 آلاف كيلو ديال البطيخ للفلاحة اللي يقدرو يخلصو بها بلاصة الفلوس.
ومع ذلك، تحيد الإشهار اللي تدار على هاد “عروض المقايضة الجديدة” اللي كان من المفترض يبقى حتى لنهار الجمعة الجاية، حسب جورنال “كَلوبال تايمز” التابع للدولة.
وقال ممثل ديال واحد من هاد الشركات للجورنال المذكور: “طلبو منا نحبدة كَاع الإشهارات فمواقع التواصل الاجتماعي”، بلا مايزيد تفاصيل أكثر.
وفشهر ماي الفايت، لونصات شركة العقارات “سنترال تشاينا مانجمنت” حملة لمدة 16 يوم قبلات فيها الثوم كدفعة أولى هلة الديور اللي تشراو جداد فمنطقة تشي الصينية، وهي بلاصة معروفة بإنتاج الثوم بشكل كبير.