عفراء علوي محمدي- كود//

توفى، اليوم الخميس، ثالث طبيب بفيروس كورونا المستجد، وهوطبيب عام كيشتغل فالقطاع الخاص فكازا.

وحسب مصادر نقابية فهيئة أطباء القطاع الخاص، فالأمر كيتعلق بطبيب يهودي فالخمسينات من العمر، عندو عيادة دالطب العام فزنقة الكَابون فحي سيدي بليوط فكازا.

المصادر نفسها كتقول أنه كان كيتعالج فسبيطار الشيخ خليفة، وأنه توفى لبارح فالليل مع الحضاش، بعدما كانت ساءت الحالة ديالو بزاف ودخل للإنعاش.