نجوى المالحي- كود//
نهار الجمعة، المغنية دنيا باطمة وصلات 5 مليون متابع في صفحتها على انستكَرام.
البارح الاحد احتفلات ودارت حصة تصوير في دارها في البحرين ومكين غير البوزات مع باقة الورد لي جاب ليها راجلها ولي فيها رقم 5، زيد عليها حرف M لي هي اختصار ديال “مليون”.
باطمة دقات على لي كيشريو المتابعين وقالت “مبروك عليا 5 مليون حقيقية”، وشكرات راجلها لي جاب ليها الورد ونفافخ، وحطات أيضا فيديو ديال “أيفون” آخر مكين لي حتى هو كادو من زوجها البحريني محمد الترك.
بعض الصفحات شدو فيها وقالو أنا هي شرات الآيفون 11 وعطاتو لراجلها باش يعطيه ليها، لكن باطمة خدات قرار نهائي أنها مبقااش غادي تفاعل مع أي صفحة أو شخص كيجبدها وغادي تبقى بعيدة على صداع لأنه ديما كترجع هي لي ممزياناش ولسانها سليط.
