كود مصطفى الشاذلي ///

كشف مصدر مطلع، أن الانفصال عن مصطفى حجي، المدرب المساعد لوحيد خاليلوزيتس، الناخب الوطني أصبح مسألة وقت فقط.

حجي ارجع غير مرغوب فيه من طرف الجامعة الملكية المغربية لكرة القدم، بعد المشاكل، لي وقعات ف “ليكيب ناسيونال” ف الفترة الأخيرة.

وزاد على هادشي كامل أن الجمهور بدا كيطالب بإبعاده سواء ف الملاعب أو حتا ف المواقع التواصل الاجتماعي “الفايسبوك” و”انستگرام”.

بزاف ديال الأطر المغربية مرشحة باش تعوض حجي بالمنتخب الوطني من بينها طلال القرقوري وعبد الهادي السكتيوي، ويقدر يكون شي واحد فرانساوي.
خاليلوزيتش سبق ليه ارفض باتريس بوميل مدرب المنتخب الوطني أقل من 23 عام، وكان من قبل مدرب مساعد لهيرفي رونار، المدرب السابق للمنتخب المغربي، يخدم معاه.

الجامعة كتدرس سيفيات ديال مدربين مغاربة وأجانب وتقدر تحسم نهائيا فهاد السيمانة إما أنها غادي تجري على حجي أو تعطيه فرصة أخرى.