عفراء علوي محمدي- كود//

لاح رشيد أيلال، الباحث والمفكر فمجال الدراسات الإسلامية، فيديو ديال مداخلة ليه فالمعرض الدولي للكتاب فتونس على القناة ديالو فيوتوب، كيقول فيها بللي الدين عمرو ما كان علم وعمرو مايكون.

فمداخلة أيلال المصورة قال بللي هو مكيعتابرش العلوم الشرعية دين، حيت الدين ماشي علم، “وحتى لو أسلمنا جدلا أن علم الجرح والتعديد علم بالصح، راه مكاينش علم كيبقى 12 قرن بلا ما يتطور، حيت من خصائص العلم التطور وعدم الثبات، أما علم الجرح والتعديل ثابت من هذ الوقت كامل”، على حد قولو.

وانتقد صاحب كتاب “صحيح البخاري نهاية الأسطورة”، نوعية الدروس اللي كيقراوها الطلبة ديال هذ العلم، وقال: “عرفتو آشنو كيدرسوا هذ الناس باش يدافعو على البخاري؟ يدرسون أحلاما.. الأحلام كتتدرس وكياخدو عليها شهادة الدكتورا، وكيجيو فالأخير يمنعونا باش مانتناقشوش معاهم على اعتبار أنهم متخصصين وعلماء”.