نجوى المالحي-كود//

المغنية دنيا باطمة احتفالات بعيشورة سيمانة هادي في كازا مع صحاباتها وخواتاتها لكن محطات تصاور حتال البارح كأن الاحتفال كان نهار بنهارو.

الجلسة كانت بالعونيات والفاكية والطعارج والحناني والقلب الهاني ومكين غير شطيح ورديح. لي شاف ستوريات يقول غير الاحتفالات كانت الاثنين لكن هي كانت قبل لأنها حاليا في البحرين مع راجلها محمد الترك.

ومن بعد اعادة نشر الستوريز حطات تصاور مع بنتها غزل من داخل دارهم في مراكش وبانو لابسين جليلبات بحال بحال في الأحمر.