وكالات-كود//

في الحمل كيكثرو الآراء ومعظم النساء كيديرو غير بالتجارب ديال الأمهات لي سبقوهم وجملة “سول المجرب لا تسول الطبيب” وداك التكلاخ، لكن الأطباء أكدوا خطورة وضعية النوم على الظهر.

وكشفات دراسة حديثة أن العيالات لي كينعسو على ظهرهم باش يحافظو على الجنين في كرشهم هي طريقة مصالحاش وكتأثر على وزن الجنين، وقارنو هاد الطريقة بانها بحالا كمات الام  10 ديال الكَوارو في نهار.

وأكدات الدراسة لي دارتها جامعة أوكلاند الميريكانية على 1760 سيدة حامل من بريطانيا واستراليا ونيوزيلندا، أن النساء لي نعسو على ظهرهم في الأسابيع الأخيرة من الحمل ولدو دراري وزنهم ناقص مقارنة مع 9 شهر ديال الحمل.

والدراسة وضحات أن الـ10 فالمئة من الموالد الأقل وزنا، كيكونو معرضين لمشاكل صحية.