كود سبور//

البوسني وحيد خاليلوزيتش قلب الفيستا هاد المرة، بعدما جرا على لعابة كانوا أساسيين مع الناخب الوطني السابق هيرفي رونار.

خاليلوزيتش عيط على 27 لعاب باش يلعبوا الماتشات بجوج ديال ليبيا ف 11 أكتوبر فالملعب الشرفي بوجدة والگابون فملعب طنجة نهار 15.

اللائحة هاد المرة عرفت مفاچٱت غير متوقعة، جرا على نبيل درار وسفيان بوفال ومروان داكوسطا وبدر بانون ويونس بلهندة وبزاف ديال اللعابة لي كانوا فالماتشات ديال بوركينافاسو والنيجر فمراكش.

خاليلوزيتش بغا يجرب لعابة أخرين بحال احمد المسعودي وأمل الله وكيفن مالكويت، وعيط على ثلاثة ديال لعابة من البطولة، وهم الحارسان أنس الزنيتي من الرجاء البيضاوي وهشام المجهد من اتحاد طنجة وإسماعيل الحداد من الوداد البيضاوي.

خاليلوزيتش قلب وجهو على حمد الله، مهاجم النصر السعودي وماعيطش ليه هاد المرة، واخا تعطالو وعود من قبل.

وها اللعابة لي غادي يكونو كونتر ليبيا والگابون: ياسين بونو من نادي إشبيلية الإسباني ومنير المحمدي من مالقا الإسباني وأنس الزنيتي من الرجاء البيضاوي وهشام المجهد من اتحاد طنجة وعبد الحميد يونس من سطاد ريمس الفرنسي ورومان سايس من نادي ووافر هامبتون الإنجليزي وعصام الشباك من مالطية سبور التركي وكيفن مالكويت من نابولي الإيطالي وجواد ياميق من جينوة الإيطالي وزهير فصال من بتيس الإسباني وأشرف حكيمي من بروسيا دورتموند الألماني ونصير مزراوي من أجاكس أمستردام الهولندي وحمزة منديل من ديجون الفرنسي وأمل الله سليم من ستاندر دو لييج البلجيكي وسفيان أمرابط من هيلاس فيرونا الإيطالي والمهدي بوربيعة من ساسولو الإيطالي وأحمد المسعودي من غرونيغن الهولندي وفيصل فجر من خيتافي الإسباني وعادل تاعرابت من بنيفيكا البرتغالي ورشيد العليوي من أنجي الفرنسي ونور الدين أمرابط من النصر السعودي وإسماعيل الحداد من الوداد البيضاوي ويوسف النصيري من ليغانيس الإسباني وأمين حارث من شالكه الألماني وأسامة الإدريسي من أزيد ألكمار الهولندي وحكيم زياش من أجاكس أمستردام الهولندي.