عفراء علوي محمدي- كود//
عطى الكومبليكس الترفيهي “والت ديزني وورد” بروسي مالي قانوني ل”المطعم المراكشي المغربي” فجناح المغرب فمعرض EPCOT التابع ليه فمدينة أورلاندو ففلوريدا.
وحسب الموقع ديالو الإخباري، كيطالب ديزني بالتعويض على جميع الممتلكات اللي استفد منها المطعم التابعة لEPCOT، من سلع ومخزون ومفروشات وتجهيزات ديال الريسطورات والقهاوي والسناكات، والأكشاك، ومستودعات التخزين، وكَاع لبلايص اللي كيمارس فيها المطعم الاعمال ديالو فجناح المغرب.
New Financing Statement
DOC#: 20200473461
Grantor: MARRAKESH MOROCCAN RESTAURANT LLC
Grantee: WALT DISNEY PARKS AND RESORTS U S INC
URL: https://t.co/C3xBywr06M pic.twitter.com/jiY0Im9ewo— Walt Disney World Automated Permit Bot (@wdwapb) September 9, 2020
وكان سبق ل”المطعم المراكشي المغربي” طلب ديزني يعطيه شيك أو كريدي باش يخلص العاملين ديالو، بعد فيروس كورونا المستجد، واللي تحدد الإجمالي ديالو ف1 حتى ل2 مليون دولار، وكيغطي تقريبا 260 عامل خدامين فيه.
وواخا المطعم المراكشي باقي ساد حتى لدابا، وجناح المغرب فEPCOT ولا مهدد بسبب كورونا، شي مرافق خدامين عادي فهذ الأثناء، وخصوصا Spice Road Table ومجموعة من المحلات الأخرى، باستثناء قهوة طنجة اللي مسدودة من غشت بسبب الأزمة.
وهذا مقال موقع ديزني حول الموضوع:
