كريم الصوفي – كود//

[email protected]

علن “لاگوارديا سيبيل” ديال اسبانيا قبل يومين عن اعتقال 2 صبليونيين ومغربي وطاحو بسباب تهريب 800 كيلو ديال الحشيش ف يخت كلاص في سواحل أليكانتي. أعمار المتهمين كتراوح ما بين 24 و 43 عام وتشدو ف إطار مهمة بحرية روتينية.

وذكرات تقارير إعلامية، أن المتهمين استعملو قارب ترفيهي الطول ديالو 15 متر ف رحلة ما بين كابو دي بالوس (موثسيا)، باتجاه خليج توريفايجا (أليكانتي) باش يهربو الحشيش وغير قربات منهم دورية ديال الحرس المدني باش يتأكدو من لوراق وهوية الراكبين، حاولو يهربو وناضت مطاردة وسط البحر وف الاخير طاحو وتشدو ولقاو معاهم  27 كولية كل وحدة كتوزن 30 كيلوغرام والوزن الاجمالي ديال الشحنة المضبوطة هو 810 كيلو ديال الحشيش

https://www.larazon.es/comunidad-valenciana/20220121/biiyjjl4nbbsrfauuavlwtcl4e.html