كريم الصوفي – كود//
[email protected]

قالت تقارير اخبارية، أن شابا مغربيا عندو 31 عام مقيم بمدينة مارتيندال بولاية تكساس تقتل بالقرطاس ف ظروف غامضة يوم الاثنين اللي فات.

الضحية المغربي سميتو عادل الدغوغي مقيم ف مريكان من 2013، وخدام كموزع طعام اي ليڤرور، ونهار الحادثة وقف بالطوموبيل ديالو حدا دار المتهم اللي جا عندو وشبع فيه سبان وطلق الرصاص عليه بعد شكوكه في كونه مسلحا.

الحادثة خلفات حزن شديد وسط عائلته ومعارفه وأفراد الجالية المغربية اللي فتحو حساب تبرعات ف GoFundMe، من اجل تكاليف نقل جثمانه الى المغرب بعد تسليمها، قبل أن تتدخل القنصلية العامة للمملكة المغربية بالولايات المتحدة الأمريكية في الموضوع.