27/04/2024 01:00
ممثل تركي مشهور شرا مدرسة وريبها.. نتاقم من المعلمين لي كانو كيضربوه ملي كان صغير
اسماء غربي – كود//
تصويرة تفرگعات فمواقع التواصل هاد الساعات الاخيرة، كتبان فيها ليلى الحديوي مع سعد لمجر ضاربين لابوز في دار.
هاد التصويرة فيها شلا مشاكيل، اولهم، انهم مادايرينش الكمامة كيف خاص للحماية من ڤيروس كورونا وبالتالي كيعطيو مثال خايب لجمهورهم اللي اغلبيتو مازالين مراهقين، وخارقين قانون حالة الطوارئ اللي كينص على التباعد الاجتماعي ولبس الكمامة. ثانيا، واش ليلى الحديوي فراسها السيد متهم فجوج قضايا ديال الاعتداء الجنسي ففرنسا؟ ايه المتهم بريئ حتى يبان العكس، ولكن القضاء مازال ما قال كلمتو فهادشي.
واش ليلى الحديوي مستعدة تلصق حتى فمتهم بالاغتصاب باش دير البوز ومستعدة حتى تجيها كورونا وتخرق قانون الطوارئ وتعطي مل خايب؟ على ماكيبان، الجواب اه، هاد السيدة مستعدة لكولشي باش تبان وتكون الهدرة عليها.
