اسماء غربي – كود//

الرئيس الأميركي دونالد ترامب، نوض هاذ الجمعة عاصفة على تويتر بعدما انتقد المرأة اللي كتاهم المرشح ديالو إلى المحكمة العليا بالاعتداء عليها جنسيا، حيت تسنات سنوات قبل ما تكشف شنو وقع.

وجا فتغريدة ترامب: انا متأكد انه كون كان الاعتداء اللي تعرضات ليه السيدة فورد بشع كيف وصفاتو، كون راها ديكلارات بيه فيه… كنطلب منها تجيب لينا هاد الديكلاراسيون باش نعرفو فوقاش وفين هادشي وقع.

وبسبب موقف ترامب، خرج هاشطاگ جديد سميتو  #لماذا_لم _أُبلّغ (#Why_Ididnt_Report) على تويتر، ومكلاصي اللول دابا في الولايات المتحدة.

وتراكمات عشرات آلاف التغريدات اللي فيها شهادات نساء قالو انهم وعلى غرار “كريستين فورد” بقاو سامتين  لفترة طويلة على تحرش أو اعتداء جنسي تعرضو ليه.

وكان بين الموقعات أسماء معروفة في حركة #أنا_أيضاً #MeToo، بحال الممثلتان آشلي جاد وأليسيا ميلانو.

I have no doubt that, if the attack on Dr. Ford was as bad as she says, charges would have been immediately filed with local Law Enforcement Authorities by either her or her loving parents. I ask that she bring those filings forward so that we can learn date, time, and place!

— Donald J. Trump (@realDonaldTrump) September 21, 2018