كود هناء ابو علي ///

نرجعو مرة اخرى لقضية وزير الخارجية والتعاون ناصر بوريطة. وزيرغبي وبزاف. كيكره لمرا اللي فيدها ولا ما تقتوش سولو نساء الخارجية اللي عندهم شخصية. المهم نرجعو لهاد الموضوع بعد الحملة لكبيرة اللي دايراها ادارتو اي فلوس المال العام فوسائل التواصل الاجتماعي باش دافع على فكرة انو هو اللي كاين. هو اللي مضوي لبلاد. 

ديرو شي طلة وشوفو شحال ديال هاد الصفحات ناضت كدافع عليه. بهاد التصرف ره كيتحدى رئيس الدولة. حقاش تعيين وزير الخارجية فيد الملك ماشي الحكومة. هادي راه عارفها الغادي والبادي. 

للي شاف خرجات هاد الوزير كتكشف حالتو النفسية هاد ليام. واخا كل التوقعات كتقول باللي غادي يبقى وزير خارجية٬ نايض كيهدر ويتحرك وشي موظفين فالخارجية كيسوقو لهاد الصفحات. 

قاليك “الديبلوماسية المغربية تمثلتني”. فاش تمثلني. راه الديبلوماسية كاينة غير اللي كيدير رئيس الدولة. هاداك بوريطة مجرد منفذ وحتى هاد التنفيذ كيديرو فاحيان كثيرة بغباء. كيفاش “الى الذين يتحاملون ويتهكمون على سفراء المغرب وعلى وزير الخارجية وفي هذه الظرفية الحساسة بالذات بدون اسباب واقعية الا لحاجة في نفس يعقوب. نقول لكم. نحن في تمام الرضى عن عملكم وتحركاتكم والديبلوماسية تمثلني”.

واش كاين شي تحدي لرئيس الدولة كثر من هادا. 
بوريطة وزير وظف الخارجية للدفاع على صورتو اكثر. جاب اللي كيقدسوه. جرى على اللي كيخالفوه الرأي وشوفو غير الديبلوماسيين اللي رسلهم سفراء باش يتخلص منهم. فتركيا وغيرها من الدول.

هذا التاريخ هو اللي غادي يكشف حقيقتو. بالاحرى ضعفو. فالاخير كيبقى شراي وصافي. كيلاقي السلوكا. يشريها باش يبقى هو اللي باين. دارها مع محمد بوسعيد مع ياسين المنصوري ودارها حتى مع للي بسبابو ولى شان فالخارجية: الطيب الفاسي الفهري.