كود كازا//
كيوجد نادي المحامين فالمغرب، بشراكة مع النقابة المغربية لمهني الفنون الدرامية، لتنظيم مائدة مستديرة حول موضوع “حرية الإبداع الفني بين إشكالية الرقابة والتقنين وهاجس تحرير طاقات المبادرة والإبداع”، غدا الخميس.
هذ المائدة المستديرة كتجي من بعد الدعوى الاستعجالية اللي رفعوها محامين ضد سيتكوم “قهوة نص نص”، اللي كان كيدوز فالقناة الأولى هذ رمضان اللي فات، واللي حكمات فيها المحكمة برفض الدعوى شكرا وتحميل المدعي الصائر.
وكانو المحامين تشكاو من السيتكوم، بسبب الدور اللي كانت كتأديه فيه الممثلة بديعة الصنهاجي، اللي جات كمحامية كتعطي استشارات قانونية فالقهوة، و”كتوسل الزبائن وتفرق ليكارت فيزيت”، الشي اللي اعتبروه المحامين إساءة لسمعة المحامين.