نجوى المالحي -كود//
من بعد معاناة كبيرة مع الوزن الزائد، قدرات الفنانة نجاة الرجوي تضعاف، وتوصل للفورمة لي كانت كتحلم بيها.
نجاة رجوي شاركات صور على حسابها في انستگرام كيبينو التحول ديالها، خصوصا أنها قررت تضعاف من أجل راسها وصحتها ماشي باش ترضي الناس.
وبزاف ديال المتتبعين سولو الرجوي في التعليقات على الريجيم لي تبعات باش نقصات الوزن.
الرجوي كانت شاركت مع المتتبعين ديالها التنمر لي تعرضت في حياتها، بسبب الغلض، وهادشي لي كان خلاها تدخل في اكتئاب وتجرب دير عمليات التنحيف.