نجوى المالحي-كود//
هاد العالم ديال مواقع التواصل الاجتماعي غير شكلي فقط، وهادشي لي وقع مع حمادة الشروقات لي متبعو أكثر من 1.7 مليون شخص، وصبح كيبكي عليهم غير حيت صحابو ما تفكروهش نهار عيد ميلادو.
الشروقات نشر ستوريات على حسابو في انستكَرام كيبكي فيهم بسبب صحابو المشاهير لي متفكروهش نهار عيد ميلاد لي احتفل بيه قبل يومين، ومداروش ليه تهنئة في حسابو باش يبارطاجيها.
الشروقات هضر على باك صاحبي لي كاينة حتى في الافتراضي بحال الواقع، وقال أنه من غير الممثل هيثم مفتاح حتى واحد ما بارك ليه ولا اطمأن على صحتو بعدما أعلن إصابتو بفيروس كورونا.
