كود كازا//

لا حديث بكورنيش عين الذئاب إلا عن سطوة برادة،  الذي يتحكم في العقار بمراكش والبيضاء وغيرهما، وسبب الحديث أن برادة بنى منتجعا سياحيا عشوائيا في العنق، على مرأى ومسمع من السلطات، وكسر صخر البحر لإقامة المسابح، ولو يقو قائد ولا عامل ولا وال، على التوجه إلى المكان لمنع غزو الرجل للأجزاء المخصصة للدومين ماريتيم، أي الملك البحري، بل استباحه كما يستبيح النمر فريسته، وعلى عينيك يا بن عدي.

العالمون بالأسرار أكدوا أن عمدة المدينة لاح الكورة للعامل والعامل لاحها للوالي، والقايد والباشا بقاو بيناتهوم خايفين لا يتحرقوا إلى قربوا لممتلكات آل برادة، البار والريطورا والكاباريه ولابيسينات وزيد وزيد. وغير بعيد عن العنق بناية أخرى تجاوزات القوانين والمساطر، ولا من يهضر، وكون كان شي مسكين زاد بيت في السطح كون جرجروه ومحنوه.

دابا هاد المطعم اللي ولا كلشي تيهضر عليه في ظرف وجيز، ولي تجاوز العلو المسموح به، وتسبب في التهام أزيد من 5000 مترو ديال الصخر، حيت الجرافات وآليات تكسير الصخر والكاميوات كانو تيخدموا ليلا، تحت الأضواء الكاشفة لي جرو ليها الخيوط من ليكليراج بيبليك، الإنارة العمومية.

بغينا السيد الوالي ديال الجهة والعامل والعمدة يشرحوا لينا كيفاش تبنى هاد الويل، وشكون رخص ليه، وواش الدفاتر ديال المهندس ومكتب الدراسات وووو كاينة.

دابا يا إما حنا فدولة الحق والقانون يتحاسب اللي غطى على هاد السيد، ولا غير يخرجو يقولو عفى الله عما سلف بحال بنكيران، المهم، كيت اللي جات فيه.