نجوى المالحي-كود//
المغنية المغربية ماريا نديم استغلت وجودها في لبنان ودارت عملية التجميل على نيفها، وهادشي شاركتو مع المتتبعين ديالها في حسابها على أنستكَرام.
ونشرت ماريا نديم فيديو في حسابها، كيوثق للعملية لي دارت من الأول حتى للنتيجة، وقالت أنها غادي تحط فيديو جديد على القناة ديالها في يوتوب وغادي يكونو فيه تفاصيل التجربة لي عاشت.
ماريا نديم بقات في لبنان من قبل ما يتسدو الحدود في المغرب بسباب كورونا، مع راجلها اللبناني كاظم الشماس، وحتى بعدما تحلو الحدو، قررت تبقا معاه.
