مصطفى الشاذلي – كود سبور//
المنتخب الوطني دار سيونص دونتريمو اليوم السبت بملعب طنجة استعدادا لماتش الگابون نهار الثلاث.
المنتخب المغربي وصل البارح بالليل لطنجة، بعدما غادر وجدة فطيارة خاصة.
وهاد الصباح دار وحيد خاليلوزيتش حصة تدريبية خفيفة ديال ريكبيراسيون على أساس غادي يدير حصة أخرى غدا الاحد وستكون مفتوحة أمام وسائل الإعلام، كما سيعقد الناخب الوطني حصة تدريبية باش يتكلم على الماتش ديال الگابون.
لونتيرمو ديال اليوم شارك فيها عدد قليل من اللعابة، بعدما التحق أربعة ديال اللعابة بالمنتخب المحلي، لي كايدربو المدرب حسين عموتة.
لاعب تقاص في لونتيرمو مع المنتخب المغربي، وهو عمر القادوري، لي عيط ليه خاليلوزيتش باش يعوض حكيم زياش، وهو اللعاب رقم 9 لتضربو في الفترة الأخيرة وتعذر عليهم يلعبو ماتش ليبيا، ويتعلق الأمر برومان سايس وحكيم زياش ونصير مزراوي وأشرف حكيمي وعادل تاعرابت ويونس بلهندة ونبيل درار وفؤاد شفيق.
