نجوى المالحي – كود //

من بعد 3 شهور على إصدار أغنيتهم المشتركة، المغنية المغربية فوزية مقاداها فرحة بأول مرور تلفزي ليها مع المغني العالمي جون ليجند.

المغربية لي دارت بلاصتها في ميريكان كيتابعها حوالي 2 مليون واحد في انستكَرام، وعندها تقريبا مليون ونص ابوني في يوتوب، وشاركات هاد الايام كليب الاغنية ديالها مع جون ليجند “Minefields” لي فاتت 5 مليون مشاهدة.

الفرحة الثانية ديال فوزية هي ان الأغنية تكلاصات 62 في “Itunes آيتونز” وهو الرقم لي كيبقا كبير مقارنة مع بداياتها.

في 2019 اختارت مجلة “بيبول People” الميريكانية، النجم جون ليجند كالرجل “الأكثر جاذبية على قيد الحياة”، واكثر من ذالك هو فنان عالمي كبير، رابح عدة جوائز مرموقة منها الاوسكار ف2015 على اغنية  “Glory” في فيلم “Selma”.

https://www.instagram.com/p/CLZcJoTgBgW/?igshid=1jl9hvmqst164