نجوى المالحي-كود//
هاد الويكاند فينما ضورتي وجهك ففايسبوك وانستكرام غادي تلقى حاجة وحدة كتسركل هي تصاور الماكيوز المغربية دينا أقصبي، لي دازت في برنامج “الصوت” للمرة الثانية فيوتوب، ودارت البوز بلباسها وطريقة كلامها الطفولي وكيفاش تبدلات داتها وولات ضعف ملي كانت.
المغاربة شدو تصويرها في الموسم الاول لي لابسة تريكو مغطي ليها صدرها وكتافها كامل، وتصويرة من الموسم جديد لي صدرها باين وكتافها عريانين وبداو يقارنو.
وكولشي تسأل واش هاد الضعف اللي ضعافت بالريجيم والرياضة ولا عمليات التجميل ونحت الدات، وقالو المعلقين انهم غادي يتسناو الموسم الثالث باش يشوفو بأي لوك غادي تبان.
هاد التغير واش بالريجيم والتمارين ولا بالعمليات؟
Publiée par GOUD sur Samedi 28 septembre 2019
دينا لي مستقرة في دبي وعطلة الصيف كاملة دوزاتها في المغرب عجبها الحال ولي حط شي صورة ديالها وطاكاها كتعاود تبوسطيها فانستاگرام ديالها.
