حرجو البيضي.. يوسفية برشيد خلصو اللاعبين فالشهور اللي كيتسالو ودايرين تيار تصحيحي فالنادي
نجوى المالحي-كود//
الشطاحة الجزائرية وردة إسراء، لي كتدعم البوليساريو، داخلة خارجة للمغرب باسم الفن.
هاد السيدة لي بين ليلة ونهار ولات كتعلم البنات الشطيح الشعبي، دارت سميتها في ميريكان ودابة كل مرة ها هي فبلاد.
بعد جلسة شطيح في مراكش مع بنات الهواريات وخديجة الورزازية، كتوجد دير حصة ديال تعليم الشطيح الشعبي في كازا نهار الجمعة في قاعة رياضة هاي كلاص، لي كيتقيدو فيها الكليان غير بالعام.
وردة اسراء الجزائرية لقات شطيح مسلكها عندنا ودارتو خدمة، وملي تشهرات شوية مسحات الفيديوهات لي كانت كتدعم فيهم البوليساريو، ودابة مازال كتمدد وسط منا.
وكيفما قلنا في مقال في فبراير لي فات، خاص يلقاو حل مع هاد الشطاحة ويتعاملو معاها كيفما كيطردو في المطارات هادوك لي كيدعمو البوليساريو. واش البوليساريو ولات داخلة من جهة الشطيح والرديح ولا شنو؟