نجوى المالحي – كود//
عارضة الازياء المريكانية كينزي ولانكسي لي دخلات للتيران في ماتش ليفربول وتوتنهام فنهائية الشامبينز ليگ، بمايو سترينكَ جات للمغرب وغادي تبقى حتال نهاية الوكاند.
ولانكسي لي عندها 3 مليون متابع في انستكَرام دارت ستوري قالت فيه غادي تكون في المغرب بين 13 و17 يونيو، ومن بعد حطات صورة من مراكش.
عارضة الازياء، كان عندها 300.000 متابع على إنستگرام، ومع البوز لي دارت وصلات لـ 3 مليون في وقت قصير، وقالت في حوار صحافي أن أكثر حاجة جريئة واحسن خطوة دارتها في حياتها هي دخلات للتيران ودارت الاشهار ليها ولصاحبها.