نجوى المالحي-كود//

الكونط انستكَرام ديال الممثلة نرجس الحلاق تبيراطا ليها، ولي داه ليها بدا كيحط فيه السبان وتصاور ديال البورنو.

الحساب واخا فيه العلامة الزرقاء قدر شي واحد كتعرفو يقرنصو ليها حسب ما علنات في بوسط في حسابها على فايسبوك.

وفي البوسطات دواو على الممثل المهدي فولان، وضربو عليه المعاني وهادشي لي خلاه يتفاعل، وقال “ديو الكونط لي بغيتو غير بعدو مني عافاكم الله يرحم الوالدين”.

وهادي يوماين ونرجس كتحاول تبدل كلمة السر لكن مازال منجحاتش في العملية.