نجوى المالحي – كود //

بعد الغياب الطويل على الساحة الفنية، من المنتظر باش يخرج المغني بشير عبدو بأغنية جديدة غدا الأربعاء، و اللي غادي يغني فيها على الملك محمد السادس.

واستغل بشير عبدو الشهرة ديال ولدو سعد لمجرد باش يروج للأغنية الجديدة اللي من المنتظر باش يحطها على قناتو في يوتوب.

وكتب سعد لمجرد، ابن البشير عبدو على صورة شاركها على حسابو في الأنستكَرام “ترقبو جديد بابا حبيبي الفنان الكبير “بشير عبده” الأربعاء 10 فبراير على الساعة السابعة مساءا بتوقيت المغرب في اغنية جد معبرة على حبنا لملكنا الهمام بعنوان “ملكنا يا حبيب الروح”.

البشير عبدو دار نفس الخطأ لي دار حتى ولدو، ولي هو تخلاط سمية سيدنا مع واحد مجرجر في المحاكم في فرنسا بتهم الاعتداء الجنسي ويمكن حتى الاغتصاب، ومازال حتى ما خدا البراءة. يعني يمكن في اي وقت يدخل للحبس بهاد التهم وهما كيصيلو اسمو باسم الملك بكل وقاحة.

https://www.instagram.com/p/CLAGIG9gatQ/

https://www.instagram.com/p/CK_t-o_gxUF/