عمـر المزيـن – مكتب الرباط//

ليلة أمس السبت الحي الشعبي بوكرعة فالعاصمة الإسماعلية مكناس كانت الساكنة ديال الحي على واحد الموعد خايب بزايد بسبب حالة الرعب والهلع اللّي دارها واحد المشرمل معروف بالسوابق القضائية ديالو. هاد خونا روشرشي على العصيان والتهديد.

وحسب بلاغ للمديرية العامة للأمن الوطني، فإن هاد المشرمل أبدى مقاومة عنيفة أثناء عملية توقيفه، بعدما كان قد عرض حياة وسلامة جيرانه للخطر باستعمال ساطور من الحجم الكبير، وهو ما اضطر بوليسي لإطلاق 3 ديال القرطاسات تحذيرية، بينما أصاب إحداهما المعني بالأمر وتسببت في وفاته بعد نقله إلى المستشفى.

وحسب المصدر الأمني، فإن هاد العملية تصاب فيها شي حد بشكل عرضي، والذي كان بالقرب من مسرح التدخل. هاد السيد تقاس بشظايا رصاصة على مستوى الكاحل، وهو ما استدعى نقله للمستشفى لتلقي العلاجات الضرورية.