حرجو البيضي.. يوسفية برشيد خلصو اللاعبين فالشهور اللي كيتسالو ودايرين تيار تصحيحي فالنادي
كود – عن لا كَازيتا//
خلص اللاعب الدولي المغربي، أشرف حكيمي، غرامة بسبب خرقو لإجراءات حالة الطوارئ الصحية المعمول بيها ف إيطاليا، من بعد ما شارك فعيد ميلاد اللاعب الدولي البلجيكي، مهاجم إنترريست، روميلو لوكاكو، ليلة الأربعاء.
وبحكم أن التجمعات والاحتفالات الداخلية والخارجية فالطاليان ممنوعين، وكاين حضر التجوال من الـ10 ديال الليل حتى لـ5 يال الصباح للحد من انتشار فيروس كورونا المستجد، فحفلة عيد الميلاد اللي كمل فيها لوكاكو 28 عام فميلانو، فأوطيل “The Square Milano Duomo” ماكانش خاصها دار.
وحسب مجلة “la gazzetta dello sport لا كَازيتا ديلو سبورت”، حضرو للحفل بالإضافة لحكيمي وإيفان بيريسيتش وآشلي يونكَ، 20 واحد، ومن بعد إبلاغ مصدر مجهول، جاو البوليس للحفل مع 3 ديال الصباح، وغرمو جميع الحاضرين.