26/04/2024 16:48
ودابا يتفگص ليهم كابرانات الدزاير. فرانسا تعتارف بالسيادة المغربية على الصحرا. ها المشروع الكبير للي علن على تمويلو وزير المالية ديالهم
عفراء علوي محمدي- كود//
اعتقلو بوليس الصبليوم مغربية، لبارح الأحد، كان مبحوث عليها من الأنتربول، بطلب من السلطات المغربية، لتورطها فالتهريب الدولي دالحشيش.
هذ المغربية، اللي فعمرها 45 عام، كانت كتهرب الحشيش من المغرب لأوروبا، باعتماد مجموعة من الناس اللي كتخدمهم عندها.
وفدجنبر 2012 كانو البوليس شدو مرا كانت غادا من المغرب لسبانيا، وكانت مدورة عليها لفافات من القنب الهندي وباغا تهربهم لأوروبا، وفاش تعتقلات اعترفات أنها كانت كتنفذ الأوامر ديال الباطرونة ديالها المغربية، ومن داك الوقت صدرات عليها مذكرة بحث دولية، وماتشدات حتى للبارح.