ممثل تركي مشهور شرا مدرسة وريبها.. نتاقم من المعلمين لي كانو كيضربوه ملي كان صغير
نجوى المالحي-كود//
لاعب المنتخب المغربي وفرقة دورتموند الالمانية أشرف حكيمي، علن البارح عن حمل حبيبتو التونسية هبة أبوك، الممثلة وعارضة الأزياء.
أول حاجة دار حكيمي، ماركا بيت وهداه لهبة والمولود لي كيتسناو، ودار صبعو الكبير ففمو بحالا زعما كيرضع، ومن بعد عبر على فرحتو بالحمل وانتظار طفلو الأول والحب ديالو الكبير لصاحبتو فبوسط على انستگرام ديالو وهبة حتى هي دارت منشور.
فالبوسط لي حطات هبة على انتسكَرام ديالها، كاين تعاليق كلها حب وفرحة، وماكاين غير مبروك بكاع اللغات (من غير العربية)، بينما فاش كتدخل للتعاليق لي عند حكيمي كتلقى بزاف ديال السبان والكبث والكلاخ غيز بالعربية! ها لي كيقول ليه شارفة، ها لي كيسول واش مزوجين، هالي لي كينعتو بالديوتي، ها لي كيفكرو بالاسلام، وماين لي كينعل فيه ويمسخو حيت حاملة منو بلا زواج.