27/04/2024 01:00
ممثل تركي مشهور شرا مدرسة وريبها.. نتاقم من المعلمين لي كانو كيضربوه ملي كان صغير
كريم الشركي – كود///
النسا المغربيات اللي كيخدمو فحقول الفريز فمقاطعة ويلبا الاسبانية، قريب غادي يرجعو كيشكلو ازمة انسانية يلا ماتدخلاتش الدولة.
وسائل اعلام اسبانية، قالت نقلا عن فيدرالية اصحاب الحقول دالفريز، أن أزمة انسانية فطريقها للظهور بعدما هاد النسا سالاو خدمتهم وبقاو عالقين فويلبا، فالوقت اللي السلطات المغربية ماتسوقتش ليهم، وخذات غير صحاب الفيزا القصيرة.
بيدرو مارين وهو من أصحاب الحقول قال فتصريحات اعلامية، أن هاد النسا سالاو خدمتهم، ودابا مابقاوش كيتخلصو، ولكن أصحاب الحقول متضامنين معاهم، وخلاوهوم فالاماكن لي ساكنين فيهم، وكيجيو عندهوم مستشارو الاندماج باش يطمنهوم، بينما ارباب الحقول كيديرو ليهم بعض الانشطة باش يخففو عليهم.
وأشار المصرح نفسه، الى أن سبعة دالنسا من هادو فعلا خذاوهوم للمغرب، لانهم اما حاملات ولدو أو كيعانيو من أمراض مزمنة.
ارباب هاد الحقول كيطلبو من الحكومتين المغربية والاسبانية، توحيد الجهود باش ينقذو هاد النسا من ازمة حقيقية غادي توقع، سيما أن هاد 7200 مرا سالاو خدمتهوم هادي اشهر ومابقاوش كيتخلصو.
