كود : يونس أفطيط///
شي فايسبوكيين ما بقاو عندهوم لاش يحشمو، وملي مكايكون عندك سلاح باش تواجه خصومك كتختار أنذل الاسلحة وأحقرها، هادشي لي وقع هاد النهار فالفايسبوك من بعد تداول صورة لزوجة بوانو معه ودارو عليها تعليق حقير كيعبر على الستوى ديال ناشريه.
نشطاء آخرين هاجموا ناشري الصورة، وذلك بسبب المستوى الهزيل ولما وصلت إليه الحرب الانتخابية، ومن كان عقله في جهازه التناسلي راه ما عندك ما تسنى منو أكثر من أنه يصنف الناس على حسب معايير ماشي أخلاقية وإنما جمالية شكليا.
الحرب على العدالة والتنمية مفهومة، ولكن الحرب ضد أشخاص ماعندهم علاقة بهاد الجقلة عندها سبب واحد هو إستعمال كل الوسائل مهما بلغت حقارتها باش نشوهو الآخر ونمرضوه فحياتو حقاش ماعندناش من غير هاد السلاح.
كنختالف مع العدالة والتنمية، ولكن كنحتارمهوم وكيزيد إحترامي لهم كل يوم وتمنيت لو كنت كنصوت حقاش أنصوت عليهم ليس ضدا في أعداءهم، وليس حبا فيهم، ولكن لأنني ماشفتهومش وصلوا للنذالة والحقارة لي وصلوا ليها أعداءهم.