كود احمد الطيب الرباط ////
كلشي كيتبدل كيتغيرفالبي جي دي بعد الانقلاب العنيف ماشي الناعم ضد عبد الاله بنكيران الامين العام للحزب. التحالفات ما بقاتش هي هاديك. كلشي ولى صاحبهم: البام والاتحاد والتجمع الوطني للاحرار…. كلشي اللي كان خصم البارح ولى حليف اليوم.
كلشي كيعقل على الحرب لكبيرة بين العدالة والتنمية وادريس اليازمي ديال المجلس الوطني لحقوق الانسان. الاختلاف ما كانش غير ايديولوجي كان شخصي بزاف. دابا مع زمن ابن عرفة كلشي تعدل. اليازمي ولى راجل مزيان.
نزهة الوافي اللي كاتبة دولة فشي تخربيقة ديال التنمية المستدامة والشاف ديالها هو عبد القادر عمارة٬ ناقشات دكتوراه ديالها البارح الجمعة حول موضوع “المواطنة العابرة للحدود للمهاجرين المغاربة ..دراسة سوسيولوجية” باشارف المختار الهراس. الوزيرة ماشي قراية يالله جات مشرف جدا. يعني على قد الحال لكن المثير ان اليازمي كان فعضوية اللجنة. بلا ما ندخلو واش عندو الحق ولا للا واش هو اتاذ جامعي ولا اللاه الوافي كتبت “شكرا للاستاذ اليازمي على تشريفه لي بعضويته للجنة مناقشة الاطروحة”. وختمت تدوينة لها “شكرا لك السي ادريس”. اليازمي حتى هو هناها بهاد البحث وانو سعيد باللي كان فهاد العضوية.
هاد الشي كيعني الحزب غادي ويطوي مرحلة بنكيران فكلشي