كود الرباط ////
ضيع محمد نبيل نبعبد الله الامين العام لحزب التقدم والاشتراكية ووزير السكنى فرصة للتميز فرصة من مسؤول المفروض في حزبه الدفاع عن الابداع. بنعبد الله قال في فيديو انه مع “حرية الابداع والتفكير في كل المجالات الفنية المختلفة والثقافة عموما”. مزيان هاد الدخلة. لكن اسي بنعبد الله المواقف خاصها تكون مبدئية ما فيهاش انتهازية سياسية.
اللي مع الابداع راه معاك بشكل مطلق. الوزير قال تساءل “واش هاداك ابداع ولا سعي الى خاص الى تسويق” منتوج. حقو يبدع ويسوق وماشي انت ولا غيرك اللي غادي يحدد واش هادا ابداع ولا اللا. مادام اختاروه فاكبر مهرجان سينمائي في العالم اي “كان” راه سينما. يعني النقاش تسد وداخل فخانة الابداع.
داز لنقطة بيناتو ضعيف وهي هاد الظاهرة ديال الدعارة موجودة ولكن مقاربتها فالفن ماشي فنية. شكون اللي كالها ليك. اولا ماشي بصاح راه تختار فاهم مهرجان عالمي كيف قلنا ثم راك ما شفتيش حتى تحكم. ندوزو للقطات اللي تسربو. كلتي هو اللي سربهم. كذوب والمخرج براسو اكدها فحوار مع “كود” كال باللي خداهم واحد او قرصنهم من موقع مهرجان كان
تصريحات بنعبد الله خيبت امال الحداثيين اظهرت انه حريص على تحالفه اكثر من حرصه على افكار ظل يدافع عنها حزبه
