كود اسماء غربي كود /////

مرة اخرى قودها البطل العالمي بدر هاري مع ناس بساط مقاتلين مع الوقت وتكرفس عليهم بزاف. حسب مصدر ل”كود” فان بدر هاري نوضها فمطعم “كابيستون” بالعنق في الدار البيضاء ليلة الخميس الماضي.

بدر هاري كان مع صحابو شي 10 الناس ومنهم المانادجير ديالو كريم. فاللول الناس صحاب ليهم هاد البطل كيضحك مع واحد السرباي ضريف “حيد ليه النظاظر ديالو ولاحهم” يحكي شاهد عيان ل”كود”. فاللول اعتقد الجميع ان بدر هاري كيضحك معاهم. مشى عندو سرياي اخر، يضيف شاهد عيان، “ًصرفقو”. مصدر “كود” اوضح انه حتى البنت اللي كانت كتشطح عيط عليها بغات تصور معاه وهو يندمها “جرها من راسها وباش صاحبو بغى يهربها دار وضربو بروسية للعين حتى الدم خرج ليه الدم”. ماشي غير هاد الشي “ضرب حتى المكلف “جيرون” بالمطعم”.

ماشي غير هاد الشي الكليانات شافو هاد الشي هربو وخرجو من المعطم، وباش كملها “باس حتى البنت اللي فالاستقبال” بزز”.

دابا مول المطعم الفرنسي ما بغاش يدعي بدر هاري وخلى الناس اللي خدامين مفقوصين. واحد منهم قال ل”كود” “هاد السيد اللي خاصو يحتارم الناس العاديين تكرفص عليهم ودابا كنحتاقروك اسي بدر هاري”