كود
إبتداءا من الموسم الدراسي القادم اللغة الفرنسية غادي تعرف تغييرات في كتابة 2400 كلمة, حسب آخر تعديل ديال أكاديمية اللغة الفرنسية, Académie Française.
التغييرات غادي تشمل عدة أجزاء من اللغة, اهمها الغاء الاكسون سيركونفليكس من على حروف i و u ف عدد من الكلمات, بالاضافة إلى حدف حرف i من كلمة Oignon و علامة – من الكلمات اللي مشكلة من مقطعين, بحال Week-end اللي غادي تولي Weekend ونفس القاعدة تنطبق على باقي الكلمات اللي كتبدا بcontre-, entre, extra-, infra.
هدا زيادة على تغيير حرف ph ل f ف كلمات بحال nénuphar.
التغيير تم المصادقة عليه عام 1990, لكن تطبيقو غادي يبدا فقط ف الدخول المدرسي القادم.
كيما هو متوقع, البعض عارض التغيير واعتبرو استغباء للغة الفرنسية وتبسيط لا فائدة منو, ففي الايام الاخيرة نشطاء موقع تويتر تداولوا هاشتاك #JeSuisCirconflexe اللي عبروا فيه عن رفضهم للتعديل.