ممثل تركي مشهور شرا مدرسة وريبها.. نتاقم من المعلمين لي كانو كيضربوه ملي كان صغير
سهام البارودي كود ///
مصطلح الصحراء الغربية هوا مصطلح جاري به العمل فالأمم المتحدة، و حتى فاش كانكون كانتفرج فبعض الأفلام فحال مؤخرا الفيلم ديال براد بيت و ماريون كوتيار “ألايد” فاش بغاو يبينو بلي كايهضرو على الصحراء ! كتبو “الصحراء الغربية” ! و حتى لابغيتي دير بحث فگووكل و كتبي ” sahara marocain” ! گووکل كايديك للباج ويكيبيديا بسمية ” le sahara occidental” !
داكشي علاش ماليها حتى معنى أننا اليوم مقدمة برامج فميدي آن ! حيت قالت الصحراء الغربية عوض الصحراء المغربية ! و بالنسبة للناس لي كايشوفو بلي هادي زلة خطيرة و مصيبة خاص السيدة تتعاقب عليها خاصهم يتفرجو فالخطاب ديال الحسن الثاني لي استعمل فيه مصطلح “الصحراء الغربية ” ( فيديو مرفق للمقال) ! واش زعما هاد الناس لي شداتهم النفس على التسمية و جراو على السيدة من خدمتها بسبابها غايكونو أكثر ملكية من الملك الراحل ؟ أكثر وطنية من الحسن الثاني ؟!
مايمكنش !
راه هاد القضية ديال الصحراء اليوم تجاوزات كل ماهوا تسميات ! هاحنا كانسميوها الصحراء “المغربية” فالاعلام ، تلفزة، جرائد، راديو هادي ستين عام و من بعد ؟ شنو صورنا ؟ لا حل وصلنا ليه ! و الأمور تزداد تعقيدا ( حالة الگرگرات مثلا) !
الدفاع على الصحرا ! ماشي بالتسميات و الفتافيت ! مابقاتش فتسمية”غربية” و لا “مغربية” و لا شمالية و لا جنوبية! الحل الحقيقي ديال مشكل الصحرا غايجي بديبلوماسية قوية ، واشراك للصحراويين الوحدويين في اتخاد القرارات و المشاورات، الحل ديال الصحرا ماشي فالسمية و فديك الفقرة ديال الطرب الحساني فسهرة السبت فدوزام ! الصحرا بغات ناس معقولين يدافعو عليها بعيدا عن الريع و الارتزاق! يكونو متمكنيين من الملف و على دراية بالمكون الصحراوي و الثقافة الصحراوية و حبذا يكونو ولاد الصحرا ! باش لادافعو عليها يقولو الناس ” أهل مكة أدرى بشعابها” !
أما التسمية هاد الساعة فماشي هي لي غاتغير مستقبل هاد القضية و ماشي بالتسميات غادي نلقاو الحلول.