كود كازا ///
حلفات حتى دير ماركة مغربية ديالها. تسنات وتسنات و3 سنين وهي كتخدم حتى حققات اللي بغات. هادي هي سلوى اخنوش سالات من اخر الترتيبات وغادية تطلق ” YAN&ONE السبت 28 اكتوبر. اش هاد الماركة المغربية اللي باغية دخلها للعالمية؟ ماركة مغربية للتجميل فيها ريحة زمان ريحة المغرب وثقافتو فالاعتناء بالشعر بالجسد بالوجه بكلشي. بالمرأة وبالراجل. كاين الماكياج، العناية، الجمال، والعطور والاكسسوارات ولكاع لوجوه ولكاع الاعمار
السيدة باغية دير “ثورة في مفهوم استهلاك مستحضرات التجميل والرفاهية بالمغرب، فإن “يان أند وان” التي قامت بدراسة أدق التفاصيل تطمح إلى التصدير بسرعة إلى الأسواق الدولية” واللي شافو اول مرة غادية تبان ليه “سيفورا” وبحالها قدام شوية. فيها غادي يشوف الزائر “تشكيلة جديدة من منتجات العناية أطلق عليها “الطقوس المغربية” (Moroccan Rituals). وتستعمل هذه التشكيلة أفضل المكونات الطبيعية من قبيل زيت أركان وزيت الصبار الحاصلين على شهادة التصديق 100 في المائة طبيعي، وهي مخصصة للنساء كما للرجال”. حتى ما يسمى الجمال الداخلي عندهم طقوسو “يمكننا على سبيل المثال اكتشاف شاي ديتوكس، وشاي راديانس، ومراجع أخرى مكونة من خليط أصيل وشاي نادر خدمة للجمال والصحة”.
طبعا اول متجر فموروكو مول بكازا غادي يخدم 200 شخص اللي وفق بيان المجموعة “تم توظيفهم بعد أن استفادوا من تكوين لستة أشهر بغية اكتساب خبرة عالية في العديد من المجالات. ويتطلع اليوم فريق متعدد التخصصات – أزيد من 30 مهنة –الى استقبال أولى زواره”.