وكالات //
زعيم كوريا الشمالية كيم جونكَ أون وقف بيديه على عملية تصنيع حليب بودرة ديال الدراري الصغار.
وسائل إعلامية قالت بللي مسؤول كبير فنظام كوريا الشمالية جاه تيليفون مع 4 ديال الصباح من الزعيم كيم طلب منو يجيب ليه يدوق من الحليب ديال الدراري الصغار، اللي ساهم فالوصفة ديال إنتاجو، واللي داق منو شوية ولقاه ناقص.
هاد القصة ديال وصفة حليب الأطفال نشراتها وسائل إعلامية حكومية فكوريا الشمالية تزامناً مع الأزمة اللي كاينة فميريكان مع النقص الكبير فهاد المنتوج الخاص بالوليدات، وهادشي اعتابروه مراقبين كنوع من البروباكَاندا الخاوية للنظام الشمولي ديال كيم جونكَ أون.