كود – عن جون افريك//

قالت مجلة “جون افريك” الفرنسية في عددها الأخير اللي خصصاتو لعبد اللطيف الحموشي، المدير العام للأمن الوطني ومراقبة التراب الوطني، ان هاد الاخير كان رفض طلب مريكان تعطيه الجنسية الأمريكية ومنصب عالي بلانگلي.

وفاش اقتارح عليه الباطرون ديال  المركزية الأمريكية للمخابرات “CIA” جورج تيني، الجنسية والمنصب، رد عليه الحموشي: “تولدت مغربي، وغانبقى مغربي، وغانموت مغربيا”.

جورج تينيت كان مدير عام ديال “السي اي اي” ما بين 1997 و 2004، وهي الفترة اللي كان فيها عبد اللطيف الحموشي في DGST، قبل مايعينو الملك محمد السادس في 2005 مدير عام ليها.

هادي مزيانة تعرف فهاد الوقت اللي كثار من رجال الاعمال وغيرهم كيتسابقو يحملو جنسيات بلدان اخرى. درس فالوطنية.

هو ما كانش غادي يحمل غير الجنسية الامريكية كان غادي يعيق فوق فيكيك. رفض كلشي.