كود احمد الطيب /////
كما اوضحت “كود” في خبر امس الاحد٬ فان الملك محمد السادس وصل للامارات العربية المتحدة وهاد الزيارة راها “عمل وصداقة” غادية تبدا غدا الاربعاء.
بيان وزارة القصور الملكية والتشريفات والأوسمة اوضح ان هذه الزيارة ستليها زيارة اخرى هذه المرة لدولة قطر وغادية تبدا نهار الاحد 12 نونبر.
الملك مشى معاه فؤاد عالي الهمة وياسر الزناكي وعبد اللطيف المنوني من مستشاريه ووزير الشؤون الخارجية والتعاون الدولي ناصر بوريطة، ووزير الثقافة والاتصال محمد الأعرج، ورئيس المؤسسة الوطنية للمتاحف المهدي القطبي. هادو اللي كالو اسمهم.
زيارة لدولتين منوضينها فالخليج وبيناتهم قطيعة والمغرب كان كال ليهم ايلى بغيتو ندخل بخيط ابيض. دابا هاد المرة ممكن يديرها. علاقتو الجيدة مع الامارات ثم علاقتو المزيانة مع امير قطر تسمح ليه يدير هاد الدور.
