26/04/2024 18:45
شوهة وضربة لميناء المتوسط. الخزيرات شدات 25 طن دلحشيش ودازت من الديوانا. واش كاين شي كومليس ولا ثغرة خاصو يطيرو فيها ريوس
كود كازا ////
علمت “كود” ان عصابة يترأسها القاسي مول “علاش تيفي” وحاتم حجي مول “لونكيط” تقدمو اليوم قدام محمد المسعودي نائب الوكيل العام باستئنافية الدار البيضاء مع الثلاثة ونص ومن بعد تقرر احالتهم على ابتدائية عين السبع.
يعني هادو حيدو ليهم “تكوين عصابة اجرامية” و”الدعارة” وخلاو ليهم “الابتزاز” و”النصب” و”انتحال صفة”. هادو ماشي تهم ساهلة راه يقدر يمشيو فيها ب5 سنين.
اما عميد الشرطة اللي طايح فهاد الملف فخلاوه جنايات حقاش فيها تزوير محاضر رسمية.
وفق مصدر “كود” فان عدد المشتكين اللي كاينين دابا بهاد العصابة وصلو ل53 شكاية. هاد الشي بزاف. فيها طاشرونات ورجال اعمال…
